首先講解下各項指標
A1=系統經多條公式和不同比例下計算出預期獨贏的倍率,依個數係同馬會獨贏倍率作比較,假若1號馬馬會獨贏係10倍,而系統顯示出來A1係5倍,即係代表依匹馬有不同程度的「暗飛」落左依匹馬身上,由於5除10係等如50%,我們會稱依匹馬為「蝕水斬半」。
M,強弱指數=依個數值代表馬匹投注彩池變動，數值越大越代表馬匹有票數支持
同樣情況
假設兩匹馬或三匹馬都係８—１０倍，係依個時間，就可以睇強弱去做比較，可以睇得出邊一匹係有「真飛」平均落返左去匹馬身上，而唔只係只落獨贏，因為真係賭錢既大戶，係唔會只係落W身上落到著格比散戶跟到。
而仲有值得留意既係，大熱門係強弱指數中，數值達到１００或以上，代表依匹熱門係有埋幕後既強烈加持，代表熱門更加穩陣，而當熱門未達到１００以上，代表熱門未必咁硬淨。
而系統方面亦有由早一日中午開飛到開跑的倍率變化
獨贏。位置。Ａ１。強弱指數
可以睇到由隔晚到臨場倍率整個走勢變動，會唔會夜晚有什麼鬼祟票數落左
再者，係隔晚獨贏。位置。Ａ１。強弱指數最下方，會有個總結變動相差，可以睇得出由開飛到最後一個倍率相差，最值得留意係「強弱指數」版面既走勢，於賽前（頭場開跑前）看到有＋１５或以上，具有參考價值，依一個我會俗稱「滲住」。
攝飛,蟲草飛＝２０２２—２—２７尾場「蟲草成名」依匹馬係隔晚強弱走勢中，依匹馬強弱指數數值一下子由４５一棍急升上到１０８，數值升幅極之誇張，依D極具參考加值。
圖表: 圖表入面數值係即時強弱指數，係數值以圖表中的棍棍圖表示出來
圖表參考有兩種，第一種係以上面所講，當兩三匹馬差唔多倍率，就可以從棍棍中顯示出邊一匹係有「實際」既投注於各彩池，而只唔係單純落係獨贏彩池。
—————————————————
賽前準備
１. 出左排位之後，首先會畫出之前有冇「跟進」馬匹
咩為之跟進馬?即係上一次出賽，係系統有顯示指標出來，但博失未贏的馬匹
２. 於賽前前一晚上時間，先望望會唔會有「大蝕水」同埋「滲住」馬匹，有既都先寫起
３. 賽事日第一場前大約一個小時左右，登入系統睇哂 獨贏。位置。Ａ１。強弱指數由開飛到目前既走勢，係整個走勢入面，會睇有冇「攝飛」既出現，再睇強弱邊匹馬有「滲住」＋１５或以上
４. 賽前投注，我一般黎講係賽前就會買定，係選擇方面，我會先選擇睇有冇「斬半」馬匹，如有兩到三匹，就會買條WＰ過。而另外，「斬半」馬匹如果達到１０倍以上獨贏，因為當ＷＩＮ有１０倍以上，位置大約有３倍左右，就必需要有條位置Ｑ全餐，１４隻馬１３注飛，１３０買位置假若走入頭三名只得３９０回報，但當半冷入走得入來，拖兩匹位置Ｑ，回報都好多時會比就咁買位置多，所以我會建議咁。 然後再睇有冇「滲住」＋１５以上。
整合各大因素就會買過關，去穿一穿埋佢。 注碼就以倍率去決定。
５. 臨場投注
係頭場開跑跑緊途中，我會先留意幾樣野，假設目前剛跑完第二場，準備等過關跑第三場，首先我會先睇「強弱指數」入面會否在第一到第三場中間時間「攝飛」落去，乜野為之「攝飛」？馬會著綠格啡格我地大家都會見到，但知唔知道，馬會依個著綠格啡格會係咩時間先著?佢只係會係開跑前大約８—１０分鍾先會著出來，係其他時間，就算馬匹由９９倍落到得返１０倍，都係唔會有著格顯示出來，我地９８系統就會將所有票數係唔同時間都會記錄下來。
之前亦試過唔小案例，係跑緊第１２３場之際，莫名其妙第九場第十場，有幾棍過十萬錢既票數買左落去，當大家都集中睇緊當時跑緊場次，加上打後場次馬會係唔會著格，如果冇記錄下來係唔會發現到，最終第九第十場係以大冷門身份贏埋，當然依D情況唔會經常發生，但都值得留意。
而睇即場方面，睇當時場次最主要係臨開跑大約２—３分鍾，睇住下面「棍棍圖」先睇大熱門數值是否１００以上，再睇住「粉紅棍」會唔會有＋２０或以上「大大碌」出現，同埋如果多匹馬同時落飛，就睇住個棍圖邊碌為之最大數值，從中找到來投注。
系統會繼續更新改善，如果有意見或者新發現歡迎提出搵我們研究
祝馬運亨通 ９８SYSTEM